Katër persona nga Kosova, janë paraqitur për ndihmë mjekësore në spitalin e Kavajës, pasi kanë ndjerë shqetësime me shëndetin e tyre. Sipas policisë, nëna dhe 3 fëmijët e mitur kanë qëndruar për një kohë të gjatë në ambientet e brendshme të një pishine në hotelin ku kishin rezervuar, dhe në rrethana që nuk ndihen kanë shfaqur komplikacione shëndetësore. Pasi kanë marrë ndihmën e parë ata janë larguar nga ambientet e spitalit.
Njoftimi i policisë:
Më datë 13.04.2023, në spitalin e Kavajës, janë paraqitur për kontroll mjekësor shtetasja M. P., 35 vjeçe, dhe tre shtetas të mitur, banues në Kosovë, pasi kanë qëndruar për një kohë të gjatë, në një pishinë të brendshme. Pas vizitës në spital, këta shtetas janë larguar në banesat e tyre.
Materialet për këtë rast i kaluan Prokurorisë, për vlerësim.