Partia Socialiste nuk komenton asgjë për Sali Berishën, sa i takon aferës së privatizimit të Partizanit.
E pyetur këtë të mërkurë nga gazetarët nëse është shkelur Kushtetuta për rastin e Berishës, ministrja e Turizmit dhe Mjedisit, Mirela Kumbaro në emër të qeverisë tha se nuk do japin koment, por do respektojnë ndarjen e pushteteve.
Pas mbledhjes së Këshillit të Ministrave, ajo theksoi se mazhoranca ka iniciuar ngritjen e SPAK dhe GJKKO dhe kanë luftuar që të punojnë të pavarura.
“Sikurse sa herë si anëtarë të qeverisë jemi pyetur për veprimet e instancave të drejtësisë, ne nuk kemi bërë komente. Respektojmë ndarjen e pushtetit, e respektojmë më shume se kushdo tjetër se kjo qeveri ka qenë ajo që e ka themeluar, ka luftuar që ky sistem, GJKKO dhe SPAK të ngrihen të funksionojnë në kushtet më të mira të mundshme. S’ben përjashtim asnjë veprim, janë veprime procedurale, s’kemi komentuar dhe nuk bëj asnjë përjashtim për rastin në fjalë”, tha Kumbaro pa spërfundimit të mbledhjes së qeverisë.