Gjatë 2022, pranë AKEP janë depozituar rreth 525 ankesa që kanë për objekt mosrespektimin e kushteve kontraktuale nga operatorët pra ofruesit e shërbimeve si dhe çështje të mbifaturimit nga ana e sipërmarrësve të komunikimeve elektronike.
Gjithashtu ankesat janë referuar dhe ndaj cilësisë së shërbimit të internetit apo edhe çështje që kanë të bëjnë me procedurat e ndërprerjes së kontratës.
Që nga 1 janari i këtij viti, Shqipëria ka vetëm dy kompani telefonike, Vodafone dhe One, pasi kjo e fundit dhe Albtelecom janë blerë nga një grup hungarez e do të ndërveprojnë në një kompani të vetme, One Telekom.