Të paktën 800 njerëz në të gjithë botën kanë vdekur për shkak të keqinformimit për COVID-19 në tre muajt e parë të këtij viti thonë studiuesit.
Një studim i publikuar në American Journal of Tropical Medicinë and Hygiene thotë se të paktën 5800 njerëz kanë pranuar se janë shtruar në spital për shkak të lajmeve të rreme në rrjetet sociale.
Disa ndërruan jetë pasi pinë methanol produkte pastrimi me bazë alkooli. Gabimisht ata besonin se këto produkte ishin kurë për virusin.
Më herët OBSH tha se “infodemia” rreth COVID-19 është përhapur po aq shpejt sa vetë virusi, me teori konspirative, thashetheme dhe stigmatizime kulturore që kanë ndikuar në vdekje apo plagosje.
INFORMACIONE FALSE KUSHTOJNE JETE
Shumë viktima kanë ndjekur këshilla që ngjajnë me informacione të besueshme mjekësore, si ngrënia e sasive të mëdha të hudhrës apo marrja e sasive të mëdha të vitaminave për të parandaluar infeksionin, thonë autorët e studimit. Madje të tjerë arrijnë deri atje sa të pijnë urinën e lopës. Këto veprime të gjitha kanë “ndikim potencialisht serioz” në shëndetin e njerëzve thonë studiuesit.
Studimi thotë se është përgjegjësi e agjencive ndërkombëtare, qeverive dhe platformave të mediave sociale që të luftojnë ndaj kësaj “infodemie” por kompanitë e teknologjisë janë kritikuar për përgjigj të ngadaltë.
BBC shkruan se mediat sociale ndihmojnë që mashtruesit të përfitojnë nga pandemia, duke shitur artikuj jo efektiv që pretendojnë se largojnë virusin dhe duke u kërkuar ndjekëse para shtesë për të marrë “suplementin e mrekullisë minerale”, por që në të vërtetë është zbardhues i holluar.
Për shkak të këtyre lajmeve t ërreme nisën sulmet e njerëzve në Indi dhe helmime masive në Iran.