Gjykata e Shkodrës nxori nga burgu ditën e djeshme 14 punonjësit e policisë që u arrestuan pak ditë më parë për shpërdorim detyre dhe korrupsion, pasi dyshohet se kanë abuzuar me tenderat.
Një prej tyre ishte dhe ish-shefi i rendit Saimir Rustemi, i cili u la në arrest shtëpie. Gjatë kohës që zhvillohej seanca gjyqësore, dhjetëra qytetarë protestuan para Gjykatës së Shkodrës kundër arrestimit të Rrustemit.
Ky i fundit ka reaguar sot publikisht, duke falënderuar të gjithë për mbështeten, e duke nënvizuar se e drejta do të dalë në dritë.
“Ju falenderoj pa fund për mbështetjen. Ju ishit forca ime ne ketë moment shume te vështire. E drejta ime do dale ne drite, por ju garantoj se pavarësisht atyre qe akuzohem, unë asnjëherë ne jetën time nuk kam mare pjese ne një tender sado te madh apo te vogël, ASNJEHERE!!!! Zoti ua shpërbleftë”, shkruan ai.