Fluks mjetesh raportohen në Kapshticë ditën e sotme, si në hyrje ashtu edhe në në dalje të vendit.
Ardhja e emigrantëve, por edhe largimi i shqiptarëve për festa, ka shkaktuar ngarkesë në pikën kufitare me Greqinë. Sipas të dhënave në 24 orët e fundit kanë hyrë 5518 shtetas dhe kanë dalë 2185.
Pala shqiptare punon me 6 sportele kurse ajo greke me 3, çka ka shkaktuar edhe vonesa të shumta.
Edhe në Portin e Durrësit ka pasur një fluks të lartë. Mbi 9500 persona kanë mbërritur në Durrës për festa gjatë 48 orëve të fundit në port. Paraditen e së shtunës me 2 tragete të linjës Bari- Durrës mbërritën 2500 persona, ndërsa deri në mbrëmje priten edhe 3 tragete të tjera.