Zv/ministrja dhe kryetarja e Komitetit Teknik Mira Rakacolli ka folur sonte në lidhje me parashikimin e bërë, që mund të mbyllen baret dhe restorantet në zonën e ish-Bllokut, pas orës 22:00. E ftuar në studion e Repolitix, Rakacolli tha se ky vendim mund edhe të ndryshojë, nëse masat nuk fillojnë të zbatohen.
“Mos të fokusohemi shumë se çfarë masash do të merren. Ky ishte një lloj paralajmërimi. Të fokusohemi më shumë tek fakti që duhen zbatuar masat në mënyrë që të mos mbyllemi. Mbani masakt, në të gjithë vendet dhe mënyrat që ne kemi rekomanduar,”- tha Rakacolli.
Sot, Rakacolli lajmëroi se janë shtrënguar masat. Mësimi në universitete do të zhvillohet online, konviktet janë mbyllur dhe po diskutohet mbyllja e bareve dhe restoranteve të zonës së ish-Bllokut, pas orës 22:00.