Deputeti Ralf Gjoni kishte thirrur në interpelancë kryeministrin për menaxhimin e pandemisë, e cila nuk u realizua pasi Rama udhëtoi drejt Dubait për të firmosur një marrëveshje të rëndësishme.
Në një prononcim për mediat, jashtë Kuvendit, Ralf Gjoni u shpreh se e kanë shkrirë kërkesën e tij për interpelancë me Ramën.
‘Dua t’ju falenderoj, siç jeni në dijeni unë në 26 tetor kam kërkuar intepelancë më Ramën me 4 pyetje specifike. Depozitohet një shkresë paçavure, do jua lë ta shikoni dhe ju. Zoti kryetar thotë me situatën aktuale kërkohet ndryshim në strategjinë. Sot në mënyrë cinike, tallëse, kryetari i Kuvendit ka vënë firmën në një dokument që nuk respekton as rregullat minimale të gjuhës shqipe ku kërkohet shkrirja e interpelancës me kryeministrin. Duket qartë që kryeministri do t’ja delegojë interpelancën ministres. Kjo tregon që Rama i bën bisht pyetjeve në kuvend, unë mund të flas me Ramën kur të më dojë qejfi, po tregon që një kryeministër nuk do të përgjigjet në kuvend me disa pyetje të vështira”, u shpreh Gjoni.