Gjatë debateve të forta në Komisionin Hetimor për Inceneratorët, Tabaku ka pyetur kryeministrin Rama se a është e vërtetë që janë shpenzuar 100 milionë euro nga buxheti i shtetit për të treja inceneratorët. Bëhet fjalë për inceneratorin e Elbasanit, të Fierit dhe të Tiranës. Ndërsa kryeministri e ka hedhur poshtë këtë shifër duke deklaruar se kjo është një fantazi e tyre.
Rama tha se nuk është aspak e vërtetë që nga buxheti i shtetit janë shpenzuar 100 milionë euro. Ai tha se nga buxheti i shtetit kanë dalë 30.6 milionë euro për impiantin e Elbasanit dhe 24 milionë euro për Fierin. Pra në total, z.Rama tha se janë shpenzuar 55.3 milionë euro. Ndërsa sa i përket inceneratorit të Tiranës, kryeministri tha se është ndërtuar 100% me shpenzimet e kompanisë investuese. Pagesat janë vetëm për grumbullimin e plehrave.