Ka zgjatur rreth 2 orë takimi që kryeministri Edi Rama në cilësinë e kryetarit të PS zhvilloi sot me krerët politikë në qarqe.
Burime nga mbledhja e shtabit elektoral pohuan se pasi drejtuesit politik dorëzuan analizën e tyre përsa i përket problematikave të qytetarëve dhe përformancën e shërbimeve nga drejtuesit e institucioneve, Rama u ka kërkuar që të evidentojnë cdo drejtor që nuk i ka ofruar shërbimin e tyre qytetarëve.
Gjithashtu kryesocialisti u ka thënë drejtuesve të qarqeve që duhet bërë një rishikim i cdo drejtuesi të institucioneve publike që ka dështuar në punën e tij. Kreministri, mësohet t’u ketë thënë që nuk do të lejohet më arroganca e këtyre personave ndaj qytetarëve.
Mbledhja e ditës së sotme ishte e treta që kryeministri zhvillon me shtabin elektoral pas atyre në 9 dhe 14 shtator, teksa takimet me raportime nga drejtuesit politikë në qarqe do të jenë të përjavshme.