I shoqëruar dhe nga ministrja Belinda Balluku dhe kryebashkiaku Agron Malaj, kryeministri Edi Rama inspektoi sot landfillin e ri të Matit.
Rama, i cili po zhvillon një vizitë në Mat, deklaroi se po bëhet një transformim historik me pastrimin dhe sistemimin e mbetjeve.
“Është bërë një punë e jashtëzakonshme. Ky transformim i madh me sistemimin e mbetjeve është historik, sepse kjo zonë ka qenë e mbytur nga plehrat. Por duhet të vijohet me kulturën e re të pastrimit, që të mos fashitet”, tha ai.
Zëvendëskryeministrja, njëherësh ministre e Infrastrukturës dhe Energjisë, Belinda Balluku, e cila po shoqëron kryeministrin Rama në vizitën e tij në Mat, tha se landfilli i ri është një investim prej 40 milionë lekësh nga buxheti i shtetit.
“Më herët mbetjet hidheshin në mënyrë të pakontrolluar në terren duke krijuar një gangrenë mjedisore. Situata tashmë ka ndryshuar, pasi është bërë kapsulimi, ndërsa është gati dhe plani për gjelbërimin e zonës”, Balluku.