Kryeministri Edi Rama ka vijuar ditën e sotme turin në kuadër të zgjedhjes së drejtuesve të rinj vendor në 61 bashkitë e vendit.
Sot Rama është ndalur në Peshkopi ku nuk i kurseu batutat me të pranishmit ku tha se burrat bëjnë si të fortë, por në të vërtetë drejtohen nga gratë.
“Ishte një situatë xhungle, po shyqyr që kemi gratë, që dhe burrat e mbajnë veten se ndryshe do kishin ikur fare. Justifikimi se s’ka gra është kot, qoftë dhe në fshatin më të largët. Madje, sa më shumë burra të bëjnë si të fortë, aq më shumë drejtohen nga gratë, veçse e marrin drejtimin nga shtëpia, jo nga kafja ku rrinë. Jemi të qartë për këtë, sidomos këtu në Dibër, ku ka plot gra e vajza që janë aktive në PS. Kjo është një traditë shumë e mirë, që duhet fuqizuar”, tha Rama.