Pas delegimit të detyrës nga Kryeministri Edi Rama, Gent Cakaj do të drejtoj tashmë Ministrinë për Europën dhe Punët e Jashtme.
Por marrja e detyrës së re nga Cakaj, si i deleguar në krye të diplomacisë Shqiptare ka sjellë edhe një reagim të ashpër të deputetes së LSI, Klajda Gjosha.
Akti i sotëm i Kryeministrit me kalimin e përgjegjësive të Ministrit për Evropën dhe Punët e Jashtme…është një akt që tregon edhe një herë përpëlitjet e fundit të një diktatori të sëmurë për pushtet! –ka shkruar Gjosha në postimin e saj në facebook.
Reagimi i plotë:
Unë nuk e di a ka mbetur më ndonjë fije ndërgjegje në këtë vend! Unë nuk e di a ka më ndonjë përfaqësues shtetëror që të ketë pak personalitet dhe dinjitet!
Nuk e di nëse ekziston më respekti për veten!
Akti i sotëm i Kryeministrit me kalimin e përgjegjësive të Ministrit për Evropën dhe Punët e Jashtme, në kundërshtim të plotë me Kushtetutën, është një akt që tregon edhe një herë përpëlitjet e fundit të një diktatori të sëmurë për pushtet!
Tirananews.al