Akademia e Shkencave risolli këtë të hënë për herë të dytë një nga konferencat më mëdha të shkencës. Konferenca Ndërkombëtare e Trendeve në Nanoteknologji (TNT2022) po mbahet në Pallatin e Kongreseve.
Kryeministri Edi Rama, në fjalën e tij u shpreh optimist për mbarëvajtjen e arsimit të lartë në Shqipëri, teksa thekson se Universiteti i Tiranës ka hyrë në një fazë të re, pasi fondet europiane janë 4-fishuar. Po ashtu Rama pohoi edhe se qeveria do të vazhdojë të mbështesë të rinjtë dhe botën universitare.
“Akademia e Shkencave është kthyer në pikë referimi. Dalë ngadalë po çel dyer të cilat më parë ishin të kyçura. Jam i entuziazmuar sot ku asnjë i pranishëm nuk është delegat që nuk e di për çfarë ka ardhur. Të gjithë përfaqësojnë një përpjekje të përbashkët. Hyrja e Universitetit të Tiranës në një fazë të re me fonde evropiane dhe projekte kuptimplota që forcojnë besimin se ne jo vetëm që s’jemi ndryshe nga të tjerët. Katërfishimi i fondeve evropiane për kërkimin shkencor në Universitet.
Ne kemi vënë theksin te të rinj dhe te bota universitare. Të gjithë të kenë akses të barabartë në arsim. Nuk ka asnjë diskutim se dimensioni akademik dhe arsimor i integrimit të BE nuk duhet të presë anëtarësimin e plotë të vendeve të Ballkanit në BE”.