Taksa progresive do të mbetet një kolonë themelore e programit edhe në qeverinë “Rama 3” për të garantuar mirëqenie për të gjithë.
Kryeministri Edi Rama bëri të ditur se nga data 1 korrik tatimi mbi të ardhurat për pagat deri në 40 mijë lekë do të jetë zero.
Por një qytetare i shkruan kryeministrit se diku ka për ti futur ato taksa, në ndonjë faturë.
Rama thotë se çmimet nuk kanë asnjë lidhje me qeverinë pasi ajo as nuk ngre as nuk e ul sistemin e ekonomisë së tregut. Në lidhje me premtimin për zero tatim për pagat deri në 40 mijë lekë të reja, Rama shprehet se ky është një zotim i marrë publikisht dhe do të mbahet në vitin 2022 pasi të miratohet në parlament.
REPLIKA
Komentuesi: I bie të mos marrësh taksë nga gjysma më e madhe e shqiptarëve dhe nuk besoj të jesh aq sa të pranosh. Diku do i fusësh ato taksa ti, në ndonjë fature apo rritje çmimi.
Edi Rama: E para çmimet nuk kanë asnjë lidhje me qeverinë, që as nuk ngre as nuk ul çmime në sistemin e ekonomisë së tregut dhe e dyta, mos u çudit fare sepse ky është një zotim i marrë publikisht që do të mbahet në vitin 2022 dhe do të mbahet në vitin 2022, pasi të miratohet në parlament këtë vit.