Rama tha se zgjedhjet janë në 30 qershor dhe nuk do të ketë asnjë shtyrje, pasi është një datë e vendosur me Kushtetutë dhe nga Presidenti.
Kryeministri Edi Rama, ka folur dhe njëherë në lidhje me datën e zgjedhjeve ku tha se nuk do të ketë shtyrje. I ftuar në “Opinion”, Rama tha se zgjedhjet janë në 30 qershor dhe nuk do të ketë asnjë shtyrje, pasi është një datë e vendosur me Kushtetutë dhe nga Presidenti.
“30 qershori është data e zgjedhjeve në Republikën e Shqipërisë. Nuk e kam vendosur unë, unë nuk di që qeveria të ketë marrë ndonjë iniciativë ligjore që pengon opozitën të hyjë në zgjedhje. Se opozita ka një pikëpamje për përgjimet, për unazë është në të drejtën e vetë. Por opozita dhe qeveria nuk mundet dot që këndvështrimin e vetë ta kthejë në një imponim. Ik ti ose s’ka zgjedhje, kjo nuk mund të ndodhi. Nëse qeveria apo shumica ka marrë ndonjë iniciativë për të penguar opozitën të hyjnë në zgjedhje hajde ta diskutojmë. Këto zgjedhje janë të lira për të gjithë, kush do futet kush do nuk futet. Zgjedhjet nuk janë një ankand, që e bën popullin dhe pret ofertat politike. Ne kemi detyrë që në 30 qershor kur është caktuar data e ankandit të jemi atje. Dikush tjetër që s’ka ofertë politike dhe nuk shkon dot në ankand se humbet ka zgjedhur që të mos shkojë fare dhe të prishte ankandi. Çfarë fuqie bazuar në cilën normë kushtetuese unë mund të ndërhyj që ankandi të shtyhet”, tha Rama.