Kreu i Partisë së Lirisë, Ilir Meta vijon me postimet kundër Edi Ramës. Këtë herë në facebook ka postuar një video nga koncerti që mbajti mbrëmë reperi Noizy, ku dëgjohet thirrja e preferuar e opozitës “Rama Ik”.
Teksa thotë se janë thirrje frymëzuese, Meta thekson se “Armiku i Lirisë, Ligjshmërisë dhe Rinisë, do të japë llogari shumë shpejt përpara Drejtësisë dhe popullit për të gjitha dëmet kolosale, që i ka bërë vendit”.
Postimi i plotë
Ju uroj një javë të mbarë, me këtë thirrje frymëzuese dhe buçitëse të mijëra të rinjve, për largimin dhe ikjen pa kthim të armikut të së ardhmes së tyre, të grabitësit të miliarda euro të shqiptarëve dhe të tradhtarit të interesave tona kombëtare. Armiku i Lirisë, Ligjshmërisë dhe Rinisë, do të japë llogari shumë shpejt përpara Drejtësisë dhe popullit për të gjitha dëmet kolosale, që i ka bërë vendit.