Do hapim një faqe të re për rajonin, atë të lëvizjes së lirë është shprehur kryeministri Edi Rama në forumin me format “17+1” me kryetarë bashkish, një nismë e Kinës që synon të zgjerojë bashkëpunimin me vendet e Evropës Qendrore dhe Lindore.
“Transformimin e zonës ku jetojmë nga një zonë konflikti në hapësirë bashkëpunimi. Dhe një nga pikat e rëndësishme të prioritetit të këtij bashkëpunimi pa diskutim janë qytetet dhe historitë e suksesit të qyteteve. Shumë shpesh njerëzit pritet ta shohin Kinën dhe bashkëpunimin me Kinën si një mundësi për financime. Po unë besoj në radhët të parë urat e bashkëpunimit me Kinën janë ura që sjellin dije dhe përmes së cilave mund të këmbehen eksperienca dhe të transferohen dije që më pas kthehen në përfitim”, tha Rama.
Nuk munguan as batutat ku kryeministri tha se ushqimi ynë më i mirë do të ishte një shkak për hapjen e një tjetër lufte ballkanike.
“E nëse ka një pikë ku besoj se ne kemi të drejtë që të ftojmë në një konflikt të gjithë miqtë tanë nga rajoni është pikërisht pika e ushqimit më të mirë. Jam i bindur që kemi gjithë të drejtën të themi se si ushqehen miqtë e të ftuarit që vijnë në Tiranë e Shqipëri nuk ushqehen asgjëkundi. Jam i bindur po ashtu që kjo fjali deri para disa vitesh do të mund të bëhej shkak për hapjen e një lufte tjetër ballkanike, ndërkohë që sot është e mjaftueshme besoj për të nxitur të gjithë ju që përveç se ti bëni yzmetin këtij forumi, t’i bëni patjetër yzmetin kënaqësisë të së përfituarit të eksperiencës së mikpritjes shqiptare”, tha Rama