Kryeministri Edi Rama ka mbërritur në kryesinë e Kuvendit, një orë përpara orarit të caktuar, për atë që vlerësohet si një mbledhje e jashtëzakonshme me deputetët dhe ministrat.
Një ditë më parë vetë Rama dha shumë pak detaje se për çfarë zhvillohet ky takim. U mjaftua duke thënë se ‘çështjet për diskutim janë’.
“Qeverisja, Ligji, Korrupsioni dhe një Nismë e Re Kombëtare për SHQIPËRINË 2030.”
Sugjerohet se thelbi kësaj mbledhje mund jetë paraqitja e një dokumenti pune hartuar nga një grup juristësh, raporton Muhamed Veliu.
Bëhet fjalë për një dokument pune me 8 faqe, me titull “Qeverisja e Mirë, Shteti Ligjor dhe Antikorrupsioni për Shqipërinë 2030” , hartuar nga një grup juristësh.
Kjo iniciativë e re përfshin edhe Parlamentin e Shqipërisë.