Kryeministri Edi Rama ka komentuar mbylljen e dyerve të fakulteteve nga studentët. Rama thotë se kjo është prova se protesta e studentëve është marrë peng.
Rama thekson se protesta shembullore e studentëve ka kaluar tashmë në fazën e realizimit të kërkesave.
Postimi i Kryeministrit:
“Mbyllja me dhunë e dyerve të disa fakulteteve është fytyra kuptimplotë e pengmarrësve të një proteste shembullore, e cila tanimë ka hyrë në fazën e realizimit të kërkesave bazë dhe zhvillimit të një Dialogu të brendshëm për nevojat specifike të çdo fushe studimesh #MeStudentët”
