Kryeministri Edi Rama në konferencën për shtyp me homologen nga Finlanda, tha se Sanna Marin ka treguar dhe po tregon mbështetje për Shqipërinë në procesin e anëtarësimit në Bashkimin Europian.
“Ne folëm për atë që vjen në ditët e ardhshme, lidhur me çeljen zyrtare për bisedimet për anëtarësimin e Shqipërisë në BE. I thash që nuk pres asgjë, por Finlanda po përpiqet për të hapur një shteg dhe për ta çliruar procesin. Ne mbështesim futjen e Finlandës në NATO, dy vendet kandidate janë vlerë e shtuar për aleancën. Dyert duhet të jenë të hapura në katër kanatet për këto vendet. Duhet te jëmi të privilegjuar që na jepet mundësia të bëjmë diçka për Finlandën. Shpresoj qe vizita ta bëjë kryeministrin të vijë përsëri së bashku me vajzën e vogël“,-tha Rama.
Finlanda mbështet zgjerimin e Bashkimit Europian dhe është dakord për të nisur negociatat me Maqedoninë e Veriut dhe Shqipërinë pa asnjë vonesë, tha kryeministrja finlandeze. Sanna Marin tha se Shqipëria ka zë të fortë dhe globalisht.
“E vlerësojmë zërin tuaj, kur bëhet fjalë për përfaqësimet në grupet ndërkombëtare. Dua t’ju përgëzoj për punën në Këshillin e Sigurimit në OKB”.