Kryeministri Edi Rama ka ndarë pamje nga Hotel Boci në Tregan të Elbasanit. Në video, Rama shkruan që me ujëra termale me veti shëruese, ajër të pastër dhe kuzhinë tradicionale shqiptare, për të ky destinacion unik mirëpret çdo vit qindra vizitorë nga e gjithë Shqipëria dhe rajoni. ”Sot, Hotel Boci nuk është vetëm një vend pushimi, është një pikë referimi për zhvillimin lokal, që ofron vende pune për banorët e zonës, forcon ekonominë vendase dhe promovon turizmin e qëndrueshëm”,-shkruan Rama.
Postimi i plotë
Në zemër të natyrës së Lixhave në Tregan të Elbasanit, Hotel Boci ka kthyer pasionin për mikpritjen në një model suksesi për turizmin kurativ në Shqipëri.
Me ujëra termale me veti shëruese, ajër të pastër dhe kuzhinë tradicionale shqiptare, ky destinacion unik mirëpret çdo vit qindra vizitorë nga e gjithë Shqipëria dhe rajoni.
Sot, Hotel Boci nuk është vetëm një vend pushimi, është një pikë referimi për zhvillimin lokal, që ofron vende pune për banorët e zonës, forcon ekonominë vendase dhe promovon turizmin e qëndrueshëm.