Kryeministri Edi Rama ka nisur vizitën tre ditore në Angli. Gazetari Martin Kiri, thotë se momentalisht Shqipëria është vendi i vetëm që Britania e Madhe ka një marrëveshje sa i përket emigracionit dhe azilkërkuesve. Ai pohon se nuk ka informacione të mëdha sa i përket takimeve që ka zhvilluar Rama deri më tani në Britani, duke shtuar se nuk është i sigurtë nëse qëllimi i vërtetë i kryeministrit shqiptar është çështja e azilkërkuesve pasi një marrëveshje e tillë ekziston tashmë.
”Vizita e Ramës nuk ka bërë bujë të madhe, por pas takimit me Sunak do të ketë shpërndarje të madhe se çfarë ka ndodhur brenda takimit dhe një mbulim nga mediat britanike që janë të interesuara të dinë se çfarë do bisedohet. Kanë pasur një bisedë në dhjetor për emigracionin dhe kanë bërë një marrëveshje që ka konkluduar. Është e vetmja marrëveshje që Britania ka me shtet e tjera sa i përket azilkërkuesve pasi edhe ato që kishte me Francën janë anuluar.
Nuk e di nëse është qëllimi i vërtetë i vizitës pasi një marrëveshje është bërë dhe Britania e ka lejen e Shqipërisë për të kthyer azilkërkuesit e dështuar. Nuk kemi informacione për një numër të madh shqiptarësh që janë kthyer në Shqipëri. Mund të jenë më pak se 200 veta që janë kthyer në Shqipëri, dhe nuk është numër i lartë.
Laburistët nuk kanë qenë dakord për praktikalitet e ligjit, nuk mendojnë se do jetë i zbatueshëm. Dhe partitë e tjera e kanë kundërshtuar. Partia nacionaliste skoceze e ka quajtur të pamoralshëm”.