Kryeministri Edi Rama ndodhet në Spanjë për një vizitë 2 ditore, dhe sot është takuar në Madrid me rektoratin e Universitetit Kombëtar të Edukimit në Distancë.
Rama informon se me këtë universitet po punohet për kampusin e Gjirokastrës. Sipas kreut të qeverisë, një bashkëpunim i tillë do t’u japë mundësinë studentëve të Gjirokastrës mundësinë e programeve dhe diplomave të UNED pa qenë e nevojshme të lëvizin jashtë Shqipërisë.
”Mëngjes pune në rektoratin e UNED, (Universiteti Kombëtar i Edukimit në Distancë), me të cilin po punojmë për kampusin e Gjirokastrës, që këtë vit do t’i bashkohet sistemit europian të UNED-it duke u dhënë studentëve tanë mundësinë e programeve dhe diplomave të UNED, pa lëvizur nga Shqipëria”,-shkruan Rama.