Kryeministri Edi Rama ndodhet sot në Salzburg, ku ka marrë pjesë në forumin “Convoco” një bashkëbisedim lidhur me artin dhe politikën.
Rama foli edhe për rrugëtimin e vendit në BE, ndërsa tha se ndonëse Europa nuk po shkon mirë “ne prap e duam”.
“Europa është së pari projekt Paqeje dhe për të mirën e gjeneratave të tjera, prandaj s’mund të heqim dorë. Europa nuk po shkon mirë, po ne prap e duam. Nuk të futemi që t’i shtojmë kokëçarjen e drejtuesve të Europës, por duam të ndërtojmë një vend Europian”, tha Rama.
Duke u ndalur tek situata politike në vend, Rama u shpreh: Ne kemi një jetë shumtë të vështirë politike. Cilësia e demokracisë nuk varet nga sa biem dakord. Ne nuk biem dakord as për kohën. Duhet të piqemi. Integrimi në BE është me rëndës.