Mëngjesin e kësaj të premteje, kryeministri Edi Rama e ka nisur me lajmin që nga sot nis shpërndarja e teksteve falas për të gjithë nxënësit e shkollave publike 9-vjeçare.
Po ashtu Rama thekson se këtë vit të ri shkollor, fëmijët e klasave të dyta dhe të treta do të marrin libra të rinj falas pa qenë nevoja që t’i kthejnë ato në fund të vitit shkollor.
“MIRËMËNGJES dhe me nisjen e shpërndarjes së teksteve FALAS për të gjithë nxënësit e shkollave publike 9-vjeçare ku përveç klasave të para, edhe ato të dyta e të treta do t’i kenë librat falas me një përdorim si dhe për nxënësit e 16 kategorive të veçanta në arsimin e mesëm të lartë, një konkretizim tashmë tradicional i mbështetjes së qeverisë shqiptare për të pajisur nxënësit me burime cilësore të dijes, ju uroj një ditë të mbarë”,-shkruan Rama.