Kryeministri i Shqipërisë, Edi Rama, i shoqëruar nga disa ministra të kabinetit të tij, sot pritet ta vizitojë familjen e ish-presidentit të Kosovës, Hashim Thaçi.
Sipas agjendës së siguruar nga Tirananews.al, Rama do të udhëtojë me delegacionin ku bëjnë pjesë, ministrja e Financave dhe Ekonomisë, Delina Ibrahimaj, ajo e Bujqësisë dhe Zhvillimit Rural, Frida Krifca, Mirela Kumbaro e Turizmit dhe Mjedisit, si edhe Elisa Spiropali, ministre e Shtetit për Marrëdhëniet me Parlamentin.
Pas përfundimit të vizitave të dielën, ministrat e Ramës do të udhëtojnë drejt Prishtinës, ndërsa ai vet do të shkojë në Burojë, te familja e ish-presidentit Thaçi.
Një ditë më pas, të hënën, në Prishtinë mbahet takimi i radhës i qeverive të Kosovës dhe Shqipërisë.