Kryeministri Edi Rama ka shkuar këtë mëngjes në Vlorë për të parë nga afër disa banesa që do të prishen në kuadër të projektit që lidh rrugën trans-ballkanike me portin.
Ndërkohë banorët e kësaj zone kanë kundërshtuar prishjet e banesave të tyre. Gjatë takimit ata i kanë kërkuar Ramës sqarime se çfarë do të ndodhë me ta me prishjen e banesave.
Banorët kërkojnë një përgjigje nga kryeministri se çfarë do të bëhet me banesat e tyre që nuk i kanë me dokumente, ku thekson se projekti do të vijojë.
“Kjo punë këtu do të bëhet dhe kush e ka me dokumente do të shpronësohet sipas ligjit, kush e ka pa dokumente do të strehohet për tre vjet me qira nga bashkia dhe më pas bashkia, ndërkohë ka programin e strehimit social dhe kujt i takon do të marrë apartament”, ka thënë Rama.