Teksa kryeministri Edi Rama po futej në spitalin e qytetit, gruaja dëgjohej që i lutej për ndihmë duke i thënë se është e kërcënuar. ‘Zoti Edi Rama po të kërkoj ndihmë jam e kërcënuar’– dëgjohet të thotë gruaja.
Për ‘Faxweb’ gruaja e quajtur Mimoza Tahaj ka deklaruar se përdhunohet familjarisht nga kriminelët e se nuk po merr mbrojtjen nga policia. Ajo ka treguar se ka katër vite që kallëzon atë që Artan dhe Gentian Zaçe po i bëjnë familjarisht e se madje i kanë dërguar deri në Angli.
“Kryeministrit doja ti thoja këtë, që jam prej vitesh anëtare e PS, dhe kërcënohem, përdhunohem familjarisht nga kriminelë dhe policia nuk na mbron. Kam katër vite rresht që kallzoj këta persona që më përdhunojnë. Më kanë futur djalin në trafik prostitucioni, i vendosin kallashin në kokë. Akuzoj Artan dhe Gentian Zaçen, më kanë marrë dhe më kanë trafikuar familjarisht, më kanë çuar deri në Angli, më përdhunojnë vazhdimisht. Akuzat detyrohet që ti tërheqë pas djali pasi e kërcënojnë tutorët. Tutorët kanë lindur dhe nga një fëmijë me vajzat e mija, që të fshehin faktin se i shfrytëzojnë”, shprehet qytetarja.