Segmenti rrugor Qafa e Qarrit – Mollas, pjesë e aksit rrugor Korçë – Ersekë, ka përfunduar dhe po vendoset vetëm sinjalistika rrugore.
Në një postim në Facebook, Kryeministri Edi Rama shkruan se shumë shpejt rruga do të jetë në përdorim për banorët dhe vizitorët, e kjo do të ndikojë në një rritje të turistëve të asaj zone.
“Me segmentin rrugor të përfunduar nga Qafa e Qarrit në Mollas, pjesë e aksit Korçë-Ersekë ku aktualisht po jepet dora e fundit me vendosjen e sinjalistikës rrugore, për t’u vënë në përdorim të plotë shumë shpejt për banorët e për vizitorët në rritje të përvitshme të asaj zone magjepsëse, ju uroj një fundjavë të mbarë”, shkruan Rama në Facebook.