Kryeministri Edi Rama mori pjesë në ceremoninë e akordimit të çmimit “Karli i Madh” (Charlemagne) për presidenten e Komisionit Evropian, Ursula von der Leyen në Aachen të Gjermanisë.
Teksa ka postuar fotot nga ceremonia, Rama e cilësoi privilegj të ishte ndër të ftuarit e nderit për miken e çmuar, siç e cilëson presidenten e Komisionit Europian. ”Privilegj të isha ndër të ftuarit e nderit në ceremoninë e akordimit të çmimit prestigjioz “Charlemagne Prize” për Presidenten e Komisionit Europian dhe miken e çmuar, Ursula von der Leyen”,-shkruan Rama.
Ceremonia e ndarjes së çmimit u zhvillua në bashkinë e Aachen-it, një qytet i lashtë në kufirin me Belgjikën dhe Holandën dhe i lidhur me perandorin evropian të shekullit XVIII Karli i Madh. Folësit përfshinë kancelarin gjerman, Friedrich Merz dhe mbretin Felipe VI të Spanjës.
Midis 700 të ftuarve të nderit ishin ish-laureatë, si ish-kryeministri i Luksemburgut Jean-Claude Juncker. Çmimi ”Karli i Madh” është dhënë nga qytetarët e Aachen-it për 75 vjet për shërbime ndaj Evropës dhe unitetit evropian.