Kryeministri Edi Rama, Ministri i Ekonomisë, Kulturës dhe Inovacionit, Blendi Gonxhja, Ministrja e Shtetit për Sipërmarrjen dhe Klimën e Biznesit, Delina Ibrahimaj ditën e sotme kanë zhvilluar një bashkëbisedim me bizneset për rëndesinë e deklarimit real të pagave që refektohet më pas në skemën e sigurimeve shoqërore, pensioneve.
Kreu i qeverisë, Edi Rama tha se mosdeklarimi i pagave reale në sektorin privat është ende një problem që pritet të adresohet. Ai tha se bizneset duhet të reflektojnë, në të kundërt do të përballen me masa amdinistrative dhe penale.
Edi Rama: Askush nga ne nuk duhet t’i shmanget detyrimeve që ka. Ne kemi detyrimin si qeveri, të bëjmë çmos që jeta e pensionistëve të jetë sa më e qetë, që kushtet e jetës së tyre të përmirësohen sa të jetë e mundur dhe ata që krijojnë punë në këtë vend, kanë detyrimin që çdo qindarkë, të çdo pagese, për çdo person që i takon pensionistëve t’i shkojë pensionistëve. Ky është edhe detyrim i çdokujt që merr një pagë.
Në sektroin publik ky detyrim është i përmbushur sepse nuk varet nga sjellja e personit që paguhet por shkon direkt dhe derdhet në arkën e sigurimeve shoqërore, nuk ndodh e njëjta gjë në sektorin privat. Pra, kemi një problem të madh. Pavarësisht të gjitha përmirësimeve që janë bërë me deklarimin e pagës reale. Një problem shumë i madh që ne jemi shumë të vendosur që ta adresojmë dhe të mos presim përmirësimin gradual, por të kërkojmë një përmirësim të shpejtë.
Dëshirojmë dhe besojmë që kompanitë nuk do të jetë nevoja të vihen në presionin e masave të rënda administrative dhe me gjasë dhe penale për grabitjen e pensioneve. Duam të përcjellim te ju një shqetësim dhe një apel dhe një ftesë për të krijuar një front të përbashkët në këtë punë.