Kryeministri Edi Rama ka postuar në Facebook fotot e të tjera biznesive të bllokuara nga Tatimet në kuadër të aksioneve kundër informalitetit.
“Stop informalitetit. Keqardhje për këta njerëz që vazhdojnë avazin e vjetër të shmangies së detyrimeve ndaj shtetit dhe e paguajnë kaq shtrenjtë pasojën e shkeljes së ligjit”, shkruan kreu i qeverisë.
Pak ditë më parë kryeministri Rama bëri paralajmërime të forta ndaj bizneseve se nëse do të shmangin detyrimet tatimore, shteti do të marra masa të ashpra ligjore, deri në mbyllje të bizneseve, siç ka ndodhur në rastet e mëposhtme.
Në mesin e subjekteve të bllokuara, janë edhe vila dhe ambiente që shërëbejnë si dhoma me qira gjatë sezonit veror, të cilat nuk i deklarojnë të gjitha dhomat që lëshojnë, ose deklarojnë çmime më të ulëta të dhënies me qira për të shmangur detyrimet tatimore.
Dy ditë më parë Rama tha se ka raste në Sarandë ku një dhomë lëshohet me 550 euro nata, por që nuk derdhin asnjë kontribut në Tatime.
