Kryeministri Edi Rama ka reaguar mesditën e sotme pas publikimit të një sërë përgjimesh të tjera nga gazeta Bild lidhur me zgjedhjet e vitit 2017.
Ai shkruan se përgjimet janë bërë për shantazh për tu përdorur në një ditë si kjo e sotmja.
Statusi i Ramës
Përgjimet e pahetuara të shërbëtorit të Saliut tregojnë përsëri se u bënë për shantazh,jo për drejtësi! Dhe u mbajtën tek partia për këtë ditë të zezë, kur duhet sulmuar Shqipëria me “zbulime gjermane”, për të bllokuar negociatat dhe ndaluar drejtësinë që vjen me kapitujt 23/24.
Nxis prokurorinë të vijojë intensivisht hetimet për të nxjerrë deri në fund ku mbarojnë llafet dhe ku dalin prova fajësie para ligjit,nëse ka të tilla. Por sidoqoftë,kjo ndërmarrje kriminale për të helmuar dynjanë,do ta marrë përgjigjen e merituar në 30 qershor e më tej akoma!