Nëpërmjet një postimi në profilin e tij zyrtar në “Facebook”, Kryeministri Edi Rama ka treguar që vijojnë punimet në Tunelin e Llogarasë dhe ka dhënë informacion në lidhje me ecurinë e tyre ku njofton se deri më tani janë hapur mbi 1200 metra. Rama thekson se ritmi i punës ka qenë i lartë.
“Dhe me Tunelin e Llogarasë, ku janë hapur mbi 1200 metra me një ritëm shumë të lartë, falë edhe një formacioni gjeologjik deri këtu tejet të favorshëm për ecurinë e punës, ju uroj një ditë të mbarë”, ka shkruar Rama.
Kujtojmë se, më herët qeveria ka njoftuar se pritet që në dalje të tunelit të ndërtohet një urë.