Olsi Daizi, mësues është ndër pacientët që është transferuar në spitalin COVID-4 pas trajtimit në COVID-1.
Në një video të shpërndarë nga kreu i qeverisë Edi Rama ai thotë se shenjat e para që kishte nga virusi ishte temperatura dhe kolla. Gjatë qëndrimit në spital thotë se ka hasur shërbim të mirë nga ana e mjekëve. Daizi bën apel të gjithëve që të shmangin infektimin me virusin.
“Shenjat e para kanë qenë ishin temperaturë, kisha kollë, ndenja në shtëpi gati një javë, Mora 127 dhe u shtrova në spitalin Infektiv. Kam qëndruar tre ditë dhe pastaj kam kaluar te COVID-4. Aty kam bërë të gjitha analizat.
Ushqimi ishte i ngrohtë, i mirë. Shërbimi ishte i mirë. Duhet të ruhemi. Unë mendova me pozitivitet ndoshta dhe kjo më ka ndihmuar. Të paktën të bëjmë atë tonën“, shprehet ai.