Kryeministri Edi Rama është ndalur te kundërshtarët e tij politik, me specifikisht te Mark Marku dhe Argon Gjekmarkaj.
“Ju thashë mos votoni Fran Frroku dhe ja ku përfundoi në burg, tani ju them mos votoni Mark Markun, ai nuk do shkojë në burg, por nuk shkon as në punë, mirë Markun, por Gjekmarkun c’e doni? Një lolo, unë e njoh nga eksperienca ime se kam pasur disa përballe me të, si mund të ulet niveli deri këtu dhe ç’lidhje kanë me sfidat që ka Lezha, ne duam ta çojmë Lezhën në një nivel tjetër ekonomik, duke hapur kantiere publike, po flas për investime të mëdha. Gjino është për të krijuar idenë që një dasmë që do të ndodhë. Besoj që është shumë e qartë që Luli është thjesht dhëndri që kanë nisur për të bërë sikur po bëhet një dasmë. Me shpresë që ta hajë kush ta hajë. Nusja që kërkohet është Shqipëria.Djali është i mirë, por gjumi i ka dëmtuar zonën që mendon. Krijon vatra COVID dhe vetë qëndron mbi makinë. Thotë “erdha dua nuse”. Këta po vazhduan kështu, larg qoftë, mitingun e përmbylljes do e bëjnë tek “Shefqet Ndroqi”. Me COVID pa COVID një stil kanë: 2 gishta dhe Rama ik!”, tha Rama.