Kryeministri Edi Rama ndodhet në SHBA me rastin e nisjes së mandatit të Shqipërisë në Këshillimit të sigurimit të OKB. Sot kryeministri do të marrë pjesë sot në mbledhjen e Këshillit të Sigurimit të OKB-së.
Në vizitën e tij të nisur dje, Rama do të ketë një takim me sekretarin amerikan të shtetit Anthony Blinken. Ky takim i Ramës do të zhvillohet nesër dhe vjen pas vendimit se SHBA dhe vendi ynë të jenë bashkëhartues për çështjen e Ukrainës në Këshillin e Sigurimit të Kombeve të Bashkuara.
Gjatë një konference për shtyp disa ditë më parë kryeministri Rama bëri të ditur se Shtetet e Bashkuara kanë zgjedhur Shqipërinë si bashkëhartuese të qëndrimeve për çështjen e Ukrainës, në Këshillin e Sigurimit të Kombeve të Bashkuara.