Kryeministri Edi Rama zhvilloi një bashkëbisedim me demokratët në Facebook për të folur rreth situatave të ndodhur një ditë më parë në selinë e PD.
Teksa fliste për situatën në PD, kryeministrit iu derdh filxhani me kafe që kishte lënë aty pranë.
“Se mu derdh dhe kafja që paskam harruar ta pi”, tha kryeministri.
Ndër të tjera, Rama e cilësoi si të paimagjinueshme dhunën në selinë e PD duke thënë se ndihet i turpëruar si shqiptar kur e telefonojnë miq e personalitete për ta pyetur nëse lajmi është i vërtetë.