Shefi i zjarrfikëses në Mallakastër, Reonardo Zotaj ka treguar detaje nga tragjedia në Lofked të Mallakastrës, ku dy persona mbetën të bllokuar brenda një pusi dhe fatkeqësisht njëri prej tyre humbi jetën.
I ftuar në studion e “Shqipëria Live”, Zotaj rrëfeu se operacioni i shpëtimit ishte shumë i vështirë për shkak të thellësisë së pusit, dhe se gjatë tentativës për nxjerrjen e dy shokëve të asfiksuar rrezikuan edhe jetët e tyre.
Ai tregoi se shkaku kryesor i asfiksisë që i mori jetën 38-vjeçarit Besnik Veliaj, ishte përdorimi i pompës me benzinë. Nëse do ishte përdorur pompë elektrike, sipas tij, nuk do të kishte pasur humbje jete.
“Shtatë anëtarë të ekipit që i kanë shpëtuar duke rrezikuar jetën. Janë gjetur pjesërisht mbyturazi. Nuk mendoj që ka qenë shpërthim. Pompa me benzinë që do përdornin në pus, për këtë arsye janë asfiksuar. Po të kishte pompë elektrike do kishin shpëtuar”, tha Zotaj.