Dhjetëra mijëra aktorë të Hollivudit po përgatiten të hyjnë në grevë pasi bisedimet mes sindikatave të tyre dhe gjigantëve të transmetimit dështoi.
Grupi i Aktorëve të Ekranit ka rënë dakord për shtyrjen e bisedimeve me studiot e mëdha kinematografike, por sindikata nuk ka arritur një marrëveshje për çështje që kanë të bëjnë me pagën e tyre dhe përdorimin e inteligjencës artificiale.
“Ajo për të cilën mund të hyjmë në grevë është shumë e rëndësishme. Ne duhet të mbrojmë këta aktorë që janë të margjinalizuar. 26 mijë dollarë në vit duhet të fitosh për të marrë sigurimin shëndetësor. Dhe ka shumë njerëz, të cilët vetëm paratë e mbetura i çojnë përtej këtij pragu. Dhe nëse këto para të mbetura përfundojnë, po ashtu skadon dhe sigurimi shëndetësor. Kjo është e papranueshme”, tha Matt Damon, aktor.
Nëse hyjnë në grevë, aktorët do të bashkohen me bojkotin e grupit të skenaristëve që nisi më 2 maj. Pa aktorë dhe skenaristë, kompanitë e produksionit për kinematë dhe televizionin do të kenë fare pak hapësirë për të vijuar punën dhe publiku do të ketë shumë kohë për t’u mërzitur.