Pedagogia Edlira Gjoni e ftuar në “Arena” nga Dritan Hila në Ora News, solli një rast të rëndë sipas saj, ku badigardi i kreut të PD-së, ka dhunuar një qytetar gjatë një takimi.
Pjesë nga biseda:
Gjoni: PD nuk i bën fare nder prania e LSI-së. Unë nuk mendoj që PD-ja përfiton nga prania e LSI-së. Duhet ta ketë më theksuar rolin e saj për shumë arsye. Dua të them këtë që shqiptarët janë mërzitur me si qeveriset dhe jo me kë. Nëse prisni që më 16 shkurti të ndodhi mrekullia, me LSI-në, pa LSI-në, shqiptarët i njohin që të gjithë ata që do të dalin në protestë. PD do të thotë dolën 200 mijë në protestë, qeveria thotë 3 mijë. Më shqetëson ajo që kam parë këto ditë. PD nuk është distancuar nga një element i vogël dhune që është shfaqur nga njëri prej badigardëve të Basha. Është një element i vogël por domethënëse. Një nga badigardët e Basha ka goditur një pjesëtar në një takim. Është një episod shumë i papranueshëm. Duhet të ishte distancuar Basha.
Nishani: Për të dhunshëm nuk mund ta akuzosh Basha.
Gjoni: Nëse PD profilizohet me dhunën nuk është një entuziazëm i madh për të dalë në shesh. Nuk më pëlqen diçka tjetër ligjërimi i njerëzve në PD. Ligjërimi publik është po aq arrogant sa i njerëzve në pushtet.