Miliarderi Elon Musk ka reaguar për herë të parë pas blerjes së gjigandit të rrjeteve sociale “Twitter” për shifrën marramendëse prej 44 miliardë dollarë.
Përmes një postimi në Twitter, Musk premton ndryshime të qënësishme në funksionimin e platformës dhe thekson se fjala e lirë është themeli i funksionimit të demokracisë, e cila do të jetë në qendër të projektit të tij.
“Fjala e lirë është themeli i funksionimit të demokracisë dhe Twitter-i është sheshi dixhital i qytetit ku diskutohen gjërat thelbësore për të ardhmen e njerëzimit. Dua ta bëj Twitter-in më të mirë se kurrë, duke rritur produktin me veçori të reja, duke i bërë algoritmet të hapura në mënyrë që të rritet besimi i publikut. Twitter ka një potencial të jashtëzakonshëm, mezi po pres të punoj me kompaninë dhe përdoruesit për ta zbuluar atë”, shkruan Elon Musk në Twitter.