Real Madrid ka marrë fitoren e radhës në kampionat. Madrilenët nuk dinë të bëjnë hapa fals dhe në këtë formë mposhtën Granadën me rezultatin1-2. Madje, duke e vrarë ndeshjen shumë shpejt falë dy golave brenda 16 minutave të parë. Realizuan Mendi dhe Karim Benzema.
Në pjesën e mbetur të sfidës, të besuarit e trajnerit Zinedin Zidan bënë më të mirën në menaxhim, pasi edhe pse u ndëshkuan në pjesën e dytë, sërish ruajtën me fanatizëm triumfin. Tashmë, Los Blancos janë shumë pranë realizimit të objektivit, ndërsa kanë mbetur edhe dy ndeshje në La Liga.
Falë katër pikëve diferencë me Barcelonën, Realit i mjafton fitorja në ndeshjen e radhës në shtëpi ndaj Vijarealit për t’u shpallur zyrtarisht kampionë të Spanjës.
