Një kek i thjeshtë, tradicional dhe i dashur nga të gjithë, ku mbi të gjitha shijon me fundjavën.
Përbërësit:
• 3 vezë
• 120 gr sheqer ngjyrë kafe
• 60 gjalpë, në temperaturën e dhomës
• 50 ml vaj luledielli
• 180 gr miell ëmbëlsirash që fryhet vet
• 2 lugë gjelle ujë
• 20 qershi të forta e të pjekura
• 2- 3 pika esencë bajameje ose 1 qeskë vanilje
Shënim* Përsa i përket përbërësve më lart nëqoftëse nuk ju gjenden apo nuk i preferoni, mund të përdorni vetëm gjalp nëse ju pëlqen ose vetëm vaj.
Vetëm kini parasysh që 100 gr gjalp zëvëndësohet me 80 ml vaj. Gjithashtu nëse nuk ju ndodhet miell që fryhet vet, mund të përdorni 120 gr miell për të gjitha përdorimet, 60 gr niseshte dhe 2 lugë çaji pluhur pjekës.
Përgatitja:
Si fillim, lajmë mirë qershitë, i pastrojmë nga bërthamat dhe i thajmë. Nëse janë të mëdha, i presim për gjysëm.
Me një mikser rrahim sheqerin, vajin dhe gjalpin për 5 minuta.
Shtojmë vezët një e nga një, vetëm pasi të rrihet mirë njëra shtojmë tjetrën.
Pas vezëve do të shtojmë 2-3 pika esencë bajameje ose vanilje. Më pas, shtojmë pak nga pak miellin e situr dhe 2 lugë ujë, e përziejmë me spatul nga poshtë lart sa të krijohet një masë e njëtrajtshme.
Marrim një enë me diametër 20 cm të cilën e keni veshur më parë me letër furred he hedhim masën e formuar. E nivelojmë mirë brumin dhe sipër vendosim qershitë. Në furrën e nxehur në në 180°C, e lemë për rreth 45 min ose derisa keku të rezultojë i thatë brenda.
Lëreni të ftohet për 15 min dhe nëse dëshironi e spërkatni me sheqer pluhur.
Keku është gati!
Ju bëftë mirë