Takimi i kësaj të marte në selinë e PD i kryedemokratit Basha, kryetares së LSI-së Monika Kryemadhi dhe aleatët, u finalizua me mandatin e dy “ndërmjetësuesve” për të arritur dakordësi me mazhorancën dhe opozitën e re parlamentare në këtë proces drejt një drafti të vetëm për zgjedhoren. Ata janë, nënkryetari i LSI-së, Petrit Vasili, dhe ish-deputeti Oerd Bylykbashi, njohës i mirë i çështjeve zgjedhore.

Në një deklaratë për mediat pas përfundimit të takimit, kryetari i Partisë Demokratike, Lulzim Basha, për herë të parë u tërhoq nga kushti për përjashtimin nga ky proces të bashkëkryetarit të komisionit të posaçëm për reformën zgjedhore, Damian Gjiknuri.

Fjala e Bashës:

“Qëndrimi i opozitës së bashkuar në këtë proces është i pandryshuar nga ajo se çfarë është rënë dakord mes tyre prej muajit tetor: Gjithëpërfshirje në një tryezë jashtëparlamentare, transparencë dhe miratimi me konsensus në seancë plenare pa asnjë ndryshim i produktit të dakordësua

Prej muajit tetor opozita e bashkuar ka insistuar në një mekanizëm transparent për reformën zgjedhore. Ky është dhe një kusht i Bundestagut. Kanë kaluar 4 muaj dhe ky proces është zvarritur si shenjë e mungesës së vullnetit nga pala tjetër.

Sot opozita rikonfirmon qëndrimin për nisjen e reformës zgjedhore një orë e më parë dhe mandaton Bykykbashin dhe Vasilin për të dakordësuar mekanizmin për ecjen përpara të reformës zgjedhore.

Dua të falënderoj faktorin ndërkombëtar për ndihmën për të shtyre drejt një produkti i cili është vonuar 4 muaj dhe ti bëj thirrje palës tjetër të mos vonojnë për tu dhënë shqiptarëve zgjedhje të litra e të ndershme.

Nuk ka një tryezë nga komisioni i posaçëm. Ne kemi mundësuar një proces në të cilin të dakordohen mbi propozimin tonë prej tetorit, gjithëpërfshirës, konsensus dhe transparence totale dhe kalin në seancë plenare pa asnjë ndryshim.

Zgjidhja e krizës do vij përmes zgjedhjeve të parakohshëm parlamentare.

-Çështja e sistemit do preket?

Jemi të qartë në qëndrimet tona. Jemi dhe mbetemi të hapur për të diskutuar çfarëdo sistemi. Tu japim mundësi shqiptarëve të shprehen.

Në emër të opozitës ju informoj se ne kemi autorizuar 2 përfaqësues për të përsëritur qëndrimet tona.”

PËRGJIGJU

Please enter your comment!
Please enter your name here