Kreu i grupit parlamentar socialist, Blendi Çuçi në një konferencë për mediat theksoi se po vijon puna për Reformën Zgjedhore.
Ai theksoi se priten ndryshime pozitive në kodin zgjedhor, ndërsa shtoi se po diskutohet formula për llogaritjen e mandatit të deputetit.
“Po punohet ende për rishikimin e kodit zgjedhor. Po diskutohet formula e llogaritjes se mandateve”, tha Çuçi.
Gjithashtu ai u ndal dhe te amnistia penale, i cili tha se kjo çështje u votua me konsensus të gjerë. Ai tha se pas kthimit në normalitet nga opozita, ishte një sesion i frytshëm.