Ish-ministri i Financave dhe Ekonomisë, Arben Malaj ka komentuar deklaratat e bëra nga avokati Spartak Ngjela, i cili ka folur për periudhën e trazirave të 1997-ës, kohë kur lideri i PS-së Fatos Nano u burgos. Ngjela kujtoi takimin e parë me Nanon kur ishte në burg, ndërsa rrëfeu se dërgoi makinën e tij në Burgun e Tiranës për ta nxjerrë e për ta çuar të sigurt deri në shtëpinë e tij. Malaj thotë se Fatos Nano ndonëse e dinte që jeta e tij ishte në rrezik nuk pranoi që të arratisej nga burg, kurse Ngjela, i cili asoj kohe mbante postin e ministrit të Drejtësisë sipas Malajt, kontribuoi në menaxhimin e kësaj situate kritike.
Postimi i Arben Malajt
Ministri Drejtesisë, Ngjela ka kontribute në menaxhimin e asaj situate kritike. Nano nuk pranoi të arratisej nga burgu. Situata po bëhej e rrezikshme për jetën e tij. Fillimish Ishte transferimi me helikopter nga burgu Bencës në Tepelenë në burgun e Tiranës. Burgu u shpërthye dhe të burgosurit u arratisen gati të gjithë. Nano dërgoi mesazh se nuk do të arratisej edhe pse jeta e tij ishte në një risk të madh dhe real. Nano qartesoj se do të dilte vetëm kur të aplikohej amnistia.
U desh ndërhyrja e ish-kryeministrit Fino dhe Ministrit Ngjela që e bindën ish-presidentin Berisha të shpallte amnistinë. Vetëm ateherë Nano dhe Ramiz Aliaj pranuan të dilnin nga burgu. Impakti i dytë i avokatit Ngjeles ishte aplikimi i bonusit për rikthimin e të burgosurve që u arratisën gjatë shpërthimit të burgjeve. Parimi i aplikimit të incentivave në vend të penaliteteve të rritura duhet të jetë në themelet e politikave qeverisëse.
Situatën e rrezikshme nga shpërthimi i burgut të Tiranës e menaxhuan me shumë përkushtim dhe profesionalizëm Ndre Legisi, sekretar shteti në Ministrinë e Brendeshme dhe Sokol Bare te harmonizuar me Ministrin Ceka dhe kolegët e tjerë. Historia duhet njohur dhe mbrojtur në vërtetësinë e saj, sidomos ajo e momenteve të vështira të mbijetesës së shtetit.