Kina ka njoftuar bllokimin e saj më të madh që nga fillimi i shpërthimit të Covid më shumë se dy vjet më parë. Qyteti i Shangait do të mbyllet në dy faza gjatë nëntë ditëve.
Qendra e rëndësishme financiare në Kinë ka luftuar me një valë të re infeksionesh për gati një muaj, megjithëse numri i rasteve nuk është i lartë sipas disa standardeve ndërkombëtare.
Autoritetet deri më tani i kishin rezistuar mbylljes së qytetit me rreth 25 milionë banorë për të shmangur destabilizimin e ekonomisë.
Por pasi Shangai regjistroi numrin më të madh ditor të rasteve të shtunën që nga ditët e para të pandemisë, autoritetet duket se kanë ndryshuar kurs.
Bllokimi do të ndodhë në dy faza, me anën lindore të qytetit nën kufizime nga e hëna deri më 1 prill dhe anën perëndimore nga 1-5 prill.
Transporti publik do të pezullohet dhe firmat e fabrikat duhet të ndalojnë operacionet ose të punojnë nga distanca, thanë autoritetet.