Trajneri i Kombëtares Shqiptar, Edoardo Reja shprehet i kënaqur me atë që skuadra tregoi në fushë, veçanërisht në pjesën e dytë. Në përfundim të ndeshjes ai theksoi se skuadra nuk duhet të kishte lënë shumë terren për kundërshtarin.
“Bëmë një ndeshje të mirë fillimisht dhe pas golit të parë të tyre ju dhuruam lojën në disa raste si në rastin kur dhuruam dy rivënie anësore. Në pjesën e parë nuk luajtëm mirë, por në të dytën bëmë më mirë pasi rritëm linjën mbrojtëse. Zhvilluam një ndeshje të mirë dhe nëse do të kishim barazuar në 2-2 mund të ishim dëshmitarë të një ndeshjeje tjetër.
Asllani nuk ka gjetur shumë hapësira me klubin këtë vit por është duke u përmirësuar. I ka aftësitë për të bërë gjëra të rëndësishme. Në mesfushë mendova se mund të aktivizoja më shumë muskuj dhe nuk mund të aktivizoja dy lojtarë shumë teknikë si Bajrami dhe Asllani.
Do të ketë ndryshime në ndeshjen me Armeninë. Psh. Skuka kur hyri krijoi menjëherë dy raste për të shënuar dhe më habiti disi pasi nuk e prisja një gjë të tillë” – u shpreh Reja.